Շանսերը մոտենում են զրոյի․ Իշխան Սաղաթելյանի աղմկահարույց հայտարարությունը

Գյումրիում «Հայաստան» դաշինքի շտաբների պետերից մեկին ձերբակալել են, տարել ԱԱԾ, հետո` ՔԿ, ապա` Հակակոռուպցիոն, այնտեղ էլ մի քիչ պահելուց հետո ասել են՝ շփոթել ենք, սխալ մարդու ենք բերել, կներես: Այս մասին մամուլի ասուլիսի ժամանակ հայտարարել է «Հայաստան» դաշինքի պատգամավորի թեկնածու Իշխան Սաղաթելյանը։

Նրա խոսքով՝ ընտրությունները սկսելուց առաջ և ամբողջ օրվա ընթացքում գործող վարչախումբը լայնածավալ ռեպրեսիաներ է սկսել ընդդիմադիր քաղաքական միավորների նկատմամբ։ 

Անդրադառնալով ընտրություններին ակտիվ մասնակցությանը, պատգամավորի թեկնածու Իշխան Սաղաթելյանն ասել է. «Ընտրություններին այս ծավալի մասնակցությունը վկայում է, որ ՔՊ-ի վերարտադրության շանսերը մոտենում են զրոյի»։

Հավելենք՝ ժամը 17։00-ի դրությամբ ընտրություններին մասնակցել է 1 միլիոն 224 հազար 957 մարդ կամ ընտրողների 48.92 տոկոսը, հաղորդում է Կենտրոնական ընտրական հանձնաժողովը: