Նյու Յորքի ընտրական լարվածություն․ Թրամփը խոստանում է սահմանափակել ֆինանսավորումը, եթե հաղթի դեմոկրատ թեկնածուն
ԱՄՆ նախագահ Դոնալդ Թրամփը հայտարարել է, որ կսահմանափակի Նյու Յորքի դաշնային ֆինանսավորումը, եթե առաջիկա քաղաքապետի ընտրություններում հաղթի Դեմոկրատական կուսակցության թեկնածու Զոհրան Մամդանին։ Այս մասին հանրապետական առաջնորդը գրել է իր սոցիալական ցանցի էջում։
Թրամփի խոսքով՝ Մամդանիի հաղթանակի դեպքում Նյու Յորքին կարող են տրամադրվել միայն «ամենաանհրաժեշտ նվազագույն» միջոցները։
Reuters գործակալության հաղորդմամբ՝ վերջին հարցումները ցույց են տալիս, որ Մամդանին այժմ առաջատար է Նյու Յորքի նախկին նահանգապետ Էնդրյու Կուոմոյի նկատմամբ, ով մասնակցում է ընտրություններին որպես անկախ թեկնածու։ Հանրապետական կուսակցությունը ներկայացնում է Կուրտիս Սլիուան։
