Չվերթների զանգվածային չեղարկումներ ԱՄՆ-ում
Միացյալ Նահանգներում առաջիկայում կարող են լինել բազմաթիվ չվերթների չեղարկումներ և ուշացումներ՝ դաշնային կառավարության աշխատանքի դադարեցման և օդային երթևեկության կարգավորողների պակասի հետևանքով։ Այս մասին հայտարարել է ԱՄՆ տրանսպորտի նախարար Շոն Դաֆինը, փոխանցում է ABC հեռուստաալիքը։
Նրա խոսքով՝ եթե կառավարության գործունեության դադարեցումը շարունակվի ևս մի քանի շաբաթ, ավիափոխադրումների վիճակը զգալիորեն կվատթարանա։
Նախարարն ընդգծել է, որ ուղևորների անվտանգության ապահովման նպատակով կարող են հետաձգվել կամ չեղարկվել բոլոր չվերթները երկրի օդային տարածքում։
