Սա իմ յոթերորդ այցելությունն է ազատագրված Ղարաբաղ. Ադրբեջանում Ռուսաստանի դեսպան
Ռուսաստանի դեսպանը Ադրբեջանում Միխայիլ Եվդոկիմովը հերթական անգամ այցելել է Ղարաբաղի տնտեսական շրջան։ Դիվանագետը ներկայում գտնվում է Զանգելանում՝ միջազգային դիվանագիտական կորպուսի ներկայացուցիչների հետ։
Եվդոկիմովը նշել է, որ արդեն 3 տարի է՝ Ադրբեջանում է։
«Սա իմ յոթերորդ այցելությունն է ազատագրված Ղարաբաղ։ Բոլոր տպավորություններս չափազանց դրական են։ Նա հիշեցրել է, որ Բաքուն և Երևանը շարունակում են բանակցությունները խաղաղության պայմանագրի շուրջ, իսկ տարածաշրջանի զարգացման համար կարևոր են տրանսպորտային հաղորդակցությունները»,- ասել է նա:
Դեսպանի խոսքով՝ Զանգեզուրի միջանցքով անցնող 44 կիլոմետրանոց երկաթուղային ճանապարհի վերականգնումը կարող է տևել մոտ երկու տարի։ «Ռուս մասնագետները հետազոտել են այդ հատվածը, թունելները չեն վնասվել, անհրաժեշտ է միայն ենթակառուցվածքների վերականգնումը»,– ասել է Եվդոկիմովը։
Նրա գնահատմամբ՝ ճանապարհի շահագործումը կնպաստի Ադրբեջանի և Հայաստանի միջև տնտեսական կապերի ամրապնդմանը և ողջ տարածաշրջանի փոխադարձ համագործակցությանը։
