Խոսակցությունը կտևի «այնքան, որքան կպահանջվի». Պուտին-Բայդեն բանակցությունները սկսվել են
Ռուսաստանի և ԱՄՆ նախագահներ Վլադիմիր Պուտինն ու Ջո Բայդենը սկսել են երկկողմ բանակցությունները, որոնք առաջին անգամ տեղի են ունենում տեսագագաթնաժողովի ձևաչափով: Այս մասին հայտնում է ТАСС-ը։
Հաղորդվում է, որ առաջնորդները կքննարկեն Ուկրաինայի շուրջ ստեղծված իրավիճակը և դեպի արևելք ՆԱՏՕ-ի առաջխաղացումը, ռազմավարական կայունության հարցերը և երկկողմ օրակարգը։ Նրանք կարող են անդրադառնալ նաև տարածաշրջանային անվտանգության թեմաներին, այդ թվում՝ Աֆղանստանում տիրող իրավիճակին։
Ըստ ՌԴ նախագահի մամուլի քարտուղար Դմիտրի Պեսկովի՝ Պուտինի և Բայդենի խոսակցությունը կտևի «այնքան, որքան կպահանջվի». նման խոսակցությունը հստակ ժամանակ չունի։
Նշվում է, որ Վլադիմիր Պուտինը Սոչիի իր նստավայրից է կապ հաստատել իր ամերիկացի գործընկերոջ հետ։
