Ռուսաստանում նավթի արդյունահանման ծավալը կտրուկ նվազել է ուկրաինական հարվածներից հետո. Վասիլ Մալյուկի

Ուկրաինայի Անվտանգության ծառայության ղեկավար Վասիլ Մալյուկի խոսքով՝ վերջին ամիսներին ուկրաինական ուժերը իրականացրել են ավելի քան 160 ճշգրիտ հարված Ռուսաստանի տարածքում գտնվող նավթավերամշակման գործարանների և այլ ռազմավարական օբյեկտների ուղղությամբ։ Նրա տվյալներով՝ սեպտեմբեր-հոկտեմբեր ամիսներին վնասվել են մի քանի խոշոր ՆՊԶ-ներ, ինչի հետևանքով Ռուսաստանի նավթի արդյունահանման ծավալը նվազել է շուրջ 90 տոկոսով, իսկ ներքին վառելիքային շուկայում արձանագրվել է ավելի քան 20 տոկոսանոց պակասուրդ։

Մալյուկը հավելել է, որ 2025 թվականի սկզբից ուկրաինական գործողությունների արդյունքում ոչնչացվել է ռուսական «Պանցիր» հակաօդային պաշտպանության համակարգերի շուրջ 40 տոկոսը։ Նրա խոսքերով՝ Ռուսաստանը տարեկան արտադրում է մոտ 30 նման համալիր, ինչը դժվարացնում է կորուստների արագ վերականգնումը։

Նա ընդգծել է, որ ուկրաինական գործողությունները շարունակվում են՝ ուղղված Ռուսաստանի ռազմական և տնտեսական ներուժի նվազեցմանը։