![Իսրայելական ավիացիան հարվածել է Գազայից հեռացող փախստականների շարասյան վրա](https://auroranews.am/storage/img/base_image/old/3063aa57a666bb64538d7f1cb91675fc.webp)
Իսրայելական ավիացիան հարվածել է Գազայից հեռացող փախստականների շարասյան վրա
![Իսրայելական ավիացիան հարվածել է Գազայից հեռացող փախստականների շարասյան վրա](https://auroranews.am/storage/img/base_image/old/3063aa57a666bb64538d7f1cb91675fc.webp)
Իսրայելական ավիացիան հարվածել է Գազայից հեռացող փախստականների շարասյան վրա։ Այս մասին հայտնում է Readovka տելեգրամյան ալիքը:
Հաղորդվում է, որ Իսրայելի իշխանությունները նախօրեին հայտարարել էին, նախքան ցամաքային օպերացիան սկսելը Գազայի բնակիչներին 24 ժամ են տալիս՝ քաղաքից հեռանալու համար։ Հայտնի է, որ արդեն Գազայի հատվածից դեպի հարավ տարհանվել է մոտ 800 հազար պաղեստինցի։
Սակայն ոչ բոլորն են հասցրել հեռանալ, իսրայելական օդուժը հարվածել է փախստականների շարասյանը, որի հետեւանքներն արտացոլող կադրերը տարածվում են համացանցում։ Նշվում է, որ հեռացող բնակիչների ուղղությամբ հարվածը եղել է օրը ցերեկով։
Կադրերում տեսանելի են կանանց ու երեխաների՝ գետնին ընկած մարմինները, անդամահատված մարմնի մասեր, այրվող մեքենաներ Ըստ արեւմտյան լրատվամիջոցների՝ ավիացիայի հանցավոր հարձակման հետեւանքով զոհվել է մոտ 70 խաղաղ բնակիչ, որոնց մեծ մասը կանայք ու երեխաներ են եղել։ Եվս մոտ 200 մարդ վիրավորվել է։