Ռուսաստանն առաջարկով դիմել է Ստամբուլի
Ռուսաստանի փոխարտգործնախարար Միխայիլ Գալուզինը հայտարարել է, որ Մոսկվան պատրաստ է շարունակել ուղիղ բանակցությունները Ուկրաինայի հետ՝ Ստամբուլի ձևաչափով։
Նրա խոսքով՝ ներկայումս առկա են բոլոր անհրաժեշտ պայմանները այս ձևաչափի վերագործարկման համար։ Գալուզինը նշել է, որ թուրքական կողմը բազմիցս հաստատել է իր պատրաստակամությունը՝ բանակցությունների համար կրկին տրամադրել Ստամբուլի հարթակը։
«Այսպիսով, բոլոր նախադրյալները կան, որպեսզի ստամբուլյան ուղղությունը զարգանա»,– ասել է նա։
Միևնույն ժամանակ, ՌԴ փոխարտգործնախարարը ընդգծել է, որ Կիևը շարունակում է անտեսել Մոսկվայի առաջարկները և խուսափում է երկխոսությունից՝ հույսը դնելով արևմտյան երկրների աջակցությամբ ռազմական ճանապարհով խաղաղություն հաստատելու վրա։
