ՏԵՍԱՆՅՈՒԹ. «Նեմեսիս» արձանի մասին տեղյակ եմ եղել, բայց վարչապետին այդ մասին չեմ ասել. Հրաչյա Սարգսյան
Երևանի նախկին քաղաքապետ Հրաչյա Սարգսյանը լրագրողների զրույցում ասել է, որ «Նեմեսիս» արձանի մասին տեղյակ է եղել, բայց ՀՀ վարչապետին այս մասին չի ասել:
Նա նշել է, որ իր կարծիքով «Նեմեսիս»-ը պատմական փաստ է և այն որպես այդպիսին արձանագրվել է:
«Հիմա Թուրքիայի ղեկավարության կողմից պետք է ստիպե՞ն, որպեսզի մեր դասագրքերից էտ տեղեկատվությունը հանե՞նք, ծիծաղելի է: Կարծում եմ` իրենք չպետք է խառնվեն մեր ներքին գործերին»:
Հիշեցնենք` Թուրքիայում դժգոհություններ էր առաջացրել Երևանում «Նեմեսիս» արձանի տեղադրումը: Որից հետո Թուրքիայի ԱԳՆ Մևլութ Չավուշօղլուն հայտարարել է, որ Թուրքիան հավելյալ միջոցներ կձեռնարկի, եթե չապամոնտաժվի «Նեմեսիսի» հուշակոթողը:
