«Հոկտեմբերի 27-ի գործը պետք է լիարժեք բացահայտվի». Անդրանիկ Քոչարյան
ԱԺ պաշտպանության հանձնաժողովի նախագահը նշել է, որ դեռ կան չհարցաքննված վկաներ, որոնց ցուցմունքները կարող են որոշիչ լինել:
Ազգային ժողովի Պաշտպանության և անվտանգության հարցերի մշտական հանձնաժողովի նախագահ Անդրանիկ Քոչարյանը Եռաբլուրում, հոկտեմբերի 27-ի ոճրագործության 26-րդ տարելիցի կապակցությամբ, լրագրողների հետ զրույցում ընդգծել է, որ գործի լիարժեք բացահայտումը դեռ հնարավոր է։ «Մենք մշտապես կարծել ենք, որ հոկտեմբերի 27-ը պետք է մեկ օր առաջ բացահայտվի։ «Հրանտ Մաթևոսյանն ասել է՝ հոկտեմբերի 27-ը պետք է բացահայտվեր հոկտեմբերի 28-ին»։ Կարծում եմ, դեռ հնարավորություն կա հասնելու լիարժեք բացահայտման»,– նշել է Քոչարյանը։
Նրա խոսքով՝ կան կարևոր վկաներ, որոնք ներկայում Հայաստանում չեն և չեն հարցաքննվել, սակայն նրանց ցուցմունքները կարող են որոշիչ լինել։ «Հոկտեմբերի 27-ի բացահայտման ուղղությամբ մենք հսկայական անելիք ունենք։ Գլխավոր դատախազը խոստացել էր, որ գործի բացահայտումը պետք է դառնա մեր բոլորիս պատվի հարցը»,– հավելել է Անդրանիկ Քոչարյանը։
Նշենք, որ այսօր լրանում է 1999 թվականի հոկտեմբերի 27-ի Ազգային ժողովի ահաբեկչության 26-րդ տարելիցը, որի հետևանքով զոհվել էին վարչապետ Վազգեն Սարգսյանը, ԱԺ նախագահ Կարեն Դեմիրճյանը և այլ պետական գործիչներ։
