2026-ից ՀՀ քաղաքացիները «ArCa» քարտերով վճարումներից կստանան 2% հետվճար. Վահե Հովհաննիսյան
Հայաստանի քաղաքացիները 2026 թվականի հունվարի 1-ից կկարողանան ստանալ 2% հետվճար՝ «ArCa» քարտերով իրականացված վճարներից։ Այս մասին ԱԺ մշտական հանձնաժողովների համատեղ նիստում, 2026 թվականի պետական բյուջեի նախնական քննարկման ընթացքում, հայտարարել է ֆինանսների նախարար Վահե Հովհաննիսյանը։
«Ծրագիրը մշակվել է «ԱրՔա» համակարգի հետ համատեղ և ներկայում գտնվում է վերջնականացման փուլում։ Մեր նպատակն է այն գործարկել հունվարի 1-ից։ Հետվճար ստանալու են բոլոր այն քաղաքացիները, որոնք ունեն «ArCa» քարտեր, բացառությամբ խաղային ոլորտի գործարքների»,– նշել է Հովհաննիսյանը։
Նախարարի խոսքով՝ այս քայլը կնպաստի անկանխիկ վճարումների զարգացմանը և կնվազեցնի կանխիկ շրջանառությունը։ «Արդյունքում անկանխիկ առևտուրը փաստացի կլինի 2%-ով էժան, իսկ կանխիկ գործարքները՝ հարաբերականորեն թանկ»,– ընդգծել է նա։
