Էջմիածնի թիվ 1 դպրոցի տնօրենին հեռախոսով ազատել են աշխատանքից. բողոքի ակցիա՝ ԿԳՄՍՆ–ի դիմաց
Էջմիածնի թիվ 1 դպրոցի տնօրենին հեռախոսով ազատել են աշխատանքից, ուսուցիչները ԿԳՄՍՆ–ի մոտ բողոքի ակցիա են իրականացնում։
«Մենք եկել ենք այստեղ, որպեսզի դիմում ներկայացնենք նախարարին, մեկն էլ կտանք վարչապետին։ Մեր դպրոցի տնօրենին հասցեագրված մեղադրանքն անհիմն է։ Պատճառաբանել են, թե քաղաքական զսպվածություն չի ցուցաբերել, բայց մեր դպրոցում քաղաքականությանը վերաբերող որևէ հարց չի քննարկվում ու չի խոսվում։ Մեր տնօրենի նման նվիրյալ անձ ես չեմ տեսել, դպրոցը միայն շահում է նմանատիպ ղեկավար ունենալով»,- ասել է դպրոցի մաթեմատիկայի ուսուցչուհին։
Շրջանառվող լուրերով՝ Արմավիրի ՔՊ-ական մարզպետի պաշտոնակատար Արգիշտի Մեխակյանն իր ծանոթին է ցանկանում դպրոցի տնօրենի պաշտոնում նշանակել։
