Ռուս հաքերները կոտրել են ութ բրիտանական ռազմական տվյալների բազաները

Ռուսաստանի անունից գործող հաքերները, ենթադրաբար, ներխուժել են մի քանի բրիտանական ռազմական բազաների տվյալների բազաներ և գողացել Մեծ Բրիտանիայի պաշտպանության նախարարության աշխատակիցների անձնական տվյալները, հաղորդում է Daily Mirror-ը՝ հղում անելով աղբյուրներին։

«Ռուս հաքերները, ենթադրաբար, գողացել են RAF և Royal Navy ութ բազաների, ինչպես նաև ՊՆ աշխատակիցների անուններն ու էլեկտրոնային փոստի հասցեները պարունակող փաստաթղթեր և տեղադրել դրանք մութ ցանցում», - նշվում է հաղորդագրության մեջ։

Կիբերհարձակման թիրախների թվում էր Սաֆոլկի Լեյքենհիթ ռազմաօդային բազան։ Այնտեղ տեղակայված են ամերիկյան F-35 կործանիչներ և, ենթադրաբար, միջուկային զենք։

Ավելի վաղ Ռուսաստանի դեսպանատունը Մեծ Բրիտանիային զգուշացրել էր կիբերտարածության ռազմականացման հետևանքների մասին։