Արտակարգ դեպք՝ Երևանում. 2 քաղաքացի էլեկտրահարված վիճակում տեղափոխվել են հիվանդանոց

Հոկտեմբերի 19-ին արտակարգ դեպք է տեղի ունեցել Երևանում:

Ժամը 12:40-ի սահմաններում ՀՀ ՆԳՆ տեղեկություններ են ստացվել, որ Անաստաս Միկոյան փողոցից 2 քաղաքացի էլեկտրահարված վիճակում տեղափոխվել են «Արմենիա» բժշկական կենտրոն:

Ավելի վաղ  Shasmhyan․com-ը, հայտնել էր, որ Ա. Միկոյան 111/6 հասցեում կռունկի գործողությունների հետևանքով վնասվել են էլեկտրական լարերը, ինչի հետևանքով կռունկավարն ու տեղում աշխատանքներ կատարող 1 մարդ էլեկտրահարվել են ու տեղափոխվել «Արմենիա» բժշկական կենտրոն:

Վնասվել են նաև կայանված Honda և BMW մակնիշի ավտոմեքենաները:

Դեպքի փաստով քննչական բաժնում աշխատանքային կանոնների չպահպանման հատկանիշներով նախաձեռնվել է քրեական վարույթ, որտեղ էլ պարզվում է վիրավորների ինքնությունը: