Նիկոլ Փաշինյանի և Հռոմի պապի միջև առանձնազրույց է նախատեսված
Վարչապետ Նիկոլ Փաշինյանը մեկնում է Վատիկան։ Տեղեկությունը հայտնում է նրա խոսնակ Նազելի Բաղդասարյանը։
«Փաշինյանը հոկտեմբերի 18-20-ը աշխատանքային այցով կգտնվի Սուրբ Աթոռում»,– գրել է նա ֆեյսբուքյան էջում:
Հոկտեմբերի 19-ին վարչապետը Սուրբ Պետրոսի հրապարակում ներկա կգտնվի Արքեպիսկոպոս Իգնատիոս Մալոյանի և ևս 6 այլ Երանելիների սրբադասման արարողությանը, որը տեղի կունենա Լևոն XIV-րդ Պապի հանդիսապետությամբ:
Այցի շրջանակում նախատեսված է վարչապետ Նիկոլ Փաշինյանի և Նորին Սրբություն Հռոմի Պապ Լևոն XIV-ի առանձնազրույցը:
Տեղի կունենա նաև վարչապետի հանդիպումը Սուրբ Աթոռի պետքարտուղար Պիետրո Պառոլինի հետ:
