Հայտնի է` ուր են տեղափոխել Մկրտիչ սրբազանին և տեր Գարեգին Արսենյանին

Արագածոտնի թեմի առաջնորդ Մկրտիչ սրբազանին և դիվանապետ տեր Գարեգին Արսենյանին տեղափոխել են «Նուբարաշեն» ՔԿՀ։ Այս մասին հայտնում է Sputnik-ը:

Հիշեցնենք, որ Տեր Արամը Հանրայինի եթերում ասել էր, որ ընդդիմության հավաքներին մասնակցել է վերադասի հրահանգով, ով Գարեգին Բ-ի քրոջ որդին է՝ Արագածոտնի թեմի առաջնորդ Տեր Մկրտիչ եպիսկոպոս Պռոշյանը։ Այս հայտարարության հիման վրա ՀՀ քննչական կոմիտեում քրեական վարույթ է նախաձեռնվել հավաք անցկացնելուն կամ դրան մասնակցելուն խոչընդոտելը կամ հարկադրելը հոդվածով:

Հավելենք, որ Մկրտիչ Սրբազանը կալանավորվեց երկու ամսով, դատարանը նաև տեսակցությունները սահմանափակեց այլ անձանց հետ՝ բացառությամբ մերձավոր ազգականի՝ մոր։