Նոր քայլեր կձեռնարկվի Ռուսաստանի դեմ․ Մոսկվայի տնտեսությունն արդեն թուլացած է, և մենք այն էլ ավելի կթուլացնենք․Կալլաս
Եվրամիությունը շուտով նոր միջոցներ կձեռնարկի՝ ուղղված Ռուսաստանի էներգետիկ, ֆինանսական և առևտրային եկամուտներին։ Այս մասին հայտարարել է Եվրոպական Միության (ԵՄ) արտաքին գործերի և անվտանգության քաղաքականության գերագույն ներկայացուցիչ Կայա Կալլասը Ուկրաինայի արտաքին գործերի նախարար Անդրեյ Սիբիգայի հետ համատեղ մամուլի ասուլիսում՝ Կիև կատարած այցի շրջանակներում։
«Ռուսաստանի պատերազմական տնտեսությունն արդեն թուլացած է, և մենք այն էլ ավելի կթուլացնենք։ Գնաճը գերազանցել է 20%-ը, դրամական պահուստները սպառվում են, իսկ տնտեսական աճը մոտ է զրոյի», - նշել է Կայա Կալլասը։
Նրա խոսքով՝ Եվրամիությունը 800 միլիոն եվրո է հատկացրել Ուկրաինային այս ձմռանը օգնելու համար։
Հիշեցնենք՝ ԵՄ-ն ցանկանում է լրացուցիչ 100 մլն եվրո հատկացնել Ուկրաինայի համար գեներատորների, սարքավորումների և եղանակից պաշտպանվելու համար։
