Իրանը մերժել է Խաղաղության համաժողովի հրավերը

Իրանի արտաքին գործերի նախարար Աբբաս Արաղչին հայտնել է, որ իրենք հրավեր են ստացել մասնակցելու Շարմ էլ Շեյխի խաղաղության գագաթնաժողովին, որը տեղի կունենա Եգիպտոսում և նպատակ ունի դադարեցնել պատերազմը Գազայի հատվածում: 

Իրանի արտաքին գործերի նախարարը կառավարության նիստում հայտնել է, որ Եգիպտոսը հրավիրել է Իրանի նախագահ Մասուդ Փեզեշքիանին մասնակցելու «Շարմ Էլ Շեյխի խաղաղության գագաթնաժողովին», և իրենք բացասական պատասխան են տվել:

Արաղչին հայտնել է, որ ավելի ուշ իրենք ստացել են արտգործնախարարների մակարդակով գագաթնաժողովին մասնակցելու հրավեր: Առայժմ հայտնի չէ, թե արդյոք Իրանը կմասնակցի գագաթնաժողովին:

Մյուս կողմից, Եգիպտոսի նախագահության հայտարարության մեջ ասվում է, որ գագաթնաժողովին կմասնակցեն ավելի քան 20 առաջնորդներ, այդ թվում՝ ԱՄՆ նախագահ Դոնալդ Թրամփը:

Դոնալդ Թրամփը հայտարարել է, որ Գազայում հրադադարի առաջին փուլի շուրջ համաձայնության հասնելուց հետո երկուշաբթի կմեկնի նախ Իսրայել, ապա Եգիպտոս:

Ամերիկյան լրատվամիջոցները գրել են, որ Թրամփը մտադիր է Եգիպտոս իր այցը վերածել առաջնորդների գագաթնաժողովի՝ Գազայում խաղաղության ծրագիրը քննարկելու համար: Սպասվում է, որ գագաթնաժողովին կմասնակցեն 11 երկրների ղեկավարներ: