Զելենսկին՝ «Tomahawk» հրթիռների հնարավոր թիրախների մասին

Ուկրաինայի նախագահ Վլադիմիր Զելենսկին հայտարարել է, որ եթե Ուկրաինան Միացյալ Նահանգներից ստանա «Tomahawk» թևավոր հրթիռներ, դրանք կօգտագործի բացառապես Ռուսաստանում գտնվող ռազմական օբյեկտների դեմ։ Նա այս հայտարարությունն արել է Fox News-ին տված հարցազրույցում:

«Միայն ռազմական թիրախներ։ Չնայած՝ մեր զինվորների, քաղաքացիական անձանց և երեխաների կորուստների ցավին, մենք երբեք չենք հարվածի նրանց քաղաքացիական թիրախներին», - ընդգծել է Զելենսկին։

Նրա խոսքով՝ հենց սրանով է Ուկրաինան տարբերակում Ռուսաստանից։

«Եթե խոսքը հեռահար հնարավորությունների մասին է, ապա դրանք զուտ ռազմական թիրախներ են»,- հավելել է նա։