Քաղաքականություն

Սերժ Սարգսյանի եղբայրը չի ներկայացել դատախազություն, քանի որ երկրում չէ

Սերժ Սարգսյանի եղբայրը չի ներկայացել դատախազություն, քանի որ երկրում չէ
ՀՀ երրորդ նախագահ Սերժ Սարգսյանի եղբայրը` Ալեքսանդր Սարգսյանն ու նրա ընտանիքի անդամները այսօր չեն ներկայացել ՀՀ գլխավոր դատախազության ապօրինի ծագում ունեցող գույքի բռնագանձման գործերով վարչություն…

ՀՀ երրորդ նախագահ Սերժ Սարգսյանի եղբայրը` Ալեքսանդր Սարգսյանն ու նրա ընտանիքի անդամները այսօր չեն ներկայացել ՀՀ գլխավոր դատախազության ապօրինի ծագում ունեցող գույքի բռնագանձման գործերով վարչություն: Տեղեկությունը հայտնում է Oragir.news-ը։


Նշենք, որ այսօր դատախազություն էին հրավիրվել Ալեքսանդր Սարգսյանը, նրա կինը՝ Ավրիգա Սարգսյանը, որդիները՝ Նարեկ և Հայկ Սարգսյանները, ինչպես նաև նրանց հետ փոխկապակցված Սոնա Սարգսյանը:


Դատախազությունից լրատվամիջոցին փոխանցել են, որ նրանք չեն ներկայացել դատախազություն, քանի որ երկրում չեն։


«Իրենց ներկայացուցիչները կապ են հաստատել, ասել են, որ երկրում չեն գտնվում։ Այդ անձինք դատախազություն կներկայանան օգոստոսի 20-ին»,-հայտնել են դատախազությունից։


Հիշեցնենք` 2019թ–ին Ալեքսանդր Սարգսյանի նկատմամբ քրեական գործ էր հարուցվել։ Նա մեղադրվում էր առանձնապես խոշոր չափերի խարդախության մեջ։


Քրեական գործով մեղադրյալ Ալեքսանդր Սարգսյանն իր կամքով 9 506 000 000 դրամին համարժեք 19 600 000 դոլար նվիրաբերեց Արցախի Հանրապետության պաշտպանության բանակին։

Նմանատիպ հոդվածներ

Ավելին Քաղաքականություն բաժնից

AURORA TV

Դիտել ուղիղ եթեր

Արագ որոնում

Հանրաճանաչ թեմաներ

Հայաստան (7325) Միջազգային (3210) ԱՄՆ (2276) Ռուսաստան (2075) Իրան (1731) Ընտրություններ (1270) Ուկրաինա (817) Երևան (794) Իսրայել (757) Ադրբեջան (610) Փաշինյան (557) Եվրոպա (510) Ընդդիմություն (434) Թրամփ (427) Ազգային ժողով (396)

Radio Aurora

Լսել Radio Aurora

Գովազդային տարածք

300x250