Թշնամիները կփորձեն վերականգնել իրենց ուժերը՝ մենք պատրաստ ենք. Նեթանյահու
Իսրայելի վարչապետ Բենիամին Նեթանյահուն հայտարարել է Իսրայելի հաղթանակի մասին, սակայն նշել է, որ որոշ թշնամիները կփորձեն վերականգնել իրենց ուժերը՝ կրկին հարձակվելու հրեական պետության վրա։ Այս մասին փոխանցում է «Ռիա Նովոստի»-ն:
«Մեր համատեղ ջանքերի շնորհիվ մենք հասել ենք հսկայական հաղթանակների՝ հաղթանակների, որոնք զարմացրել են ամբողջ աշխարհին։ Եվ ես ուզում եմ ասել. որտեղ էլ որ կռվել ենք, մենք հաղթել ենք։ Բայց միևնույն ժամանակ պետք է ասեմ ձեզ, որ արշավը չի ավարտվել։
Մենք դեռ շատ լուրջ անվտանգության մարտահրավերներ ունենք հաղթահարելու։ Մեր թշնամիներից մի քանիսը փորձում են վերականգնել իրենց ուժերը՝ մեզ վրա կրկին հարձակվելու համար։ Մենք միշտ պատրաստ ենք», - ասաց վարչապետը ազգին ուղղված տեսաուղերձում։
