Գազայում պատերազմն ընդմիշտ ավարտվել է. ՀԱՄԱՍ-ի պաշտոնյա
ՀԱՄԱՍ-ի բանակցային թիմի ղեկավար Խալիլ ալ-Հայան հայտարարել է, որ իրենք երաշխիքներ են ստացել Միացյալ Նահանգներից և միջնորդ պետություններից՝ հրադադարի համաձայնագրի առաջին փուլի վերաբերյալ. փոխացնում է Al Jazeera-ն:
«Մենք ստացել ենք հավաստիացումներ ԱՄՆ-ից և եղբայրական միջնորդներից, որոնք հաստատել են՝ պատերազմն ամբողջությամբ ավարտվել է», - ասել է Խալիլ ալ-Հայյան։
Նա հավելել է, որ համաձայնագրի շրջանակում ազատ կարձակվեն Իսրայելի բանտերում ցմահ ազատազրկման դատապարտված 250 պաղեստինցի բանտարկյալ, նաև պատերազմի սկսվելուց ի վեր Գազայում ձերբակալված 1700 պաղեստինցիներ, այդ թվում՝ Իսրայելի կողմից բոլոր կանայք և երեխաները։
Պաշտոնյայի խոսքով՝ համաձայնագիրը ազդարարում է պատերազմի ավարտը Գազայում. համաձայնագրի սկզբնական փուլը նախատեսում է գերիների փոխանակում և իսրայելական բանակի դուրսբերում Գազայի որոշ հատվածներից։
