Սամվել Կարապետյանը 15-րդ հայցն է ներկայացրել բլոգերի դեմ

«Տաշիր» ընկերությունների խմբի ղեկավար Սամվել Կարապետյանը, ով գտնվում անազատության մեջ,  նոր հայց է ներկայացրել դատարան՝ ընդդեմ բլոգեր Ռոման Բաղդասարյանի՝ վիրավորանքի համար։ Հայցադիմումով գործարարը դատարանից պահանջում է պարտավորեցնել Բաղդասարյանին՝ հրապարակային ներողություն խնդրել Սամվել Կարապետյանից և հօգուտ գործարարի բռնագանձել 3 մլն դրամ՝ որպես բարոյական վնասի փոխհատուցում։ Այս մասին է գրել Փաստինֆո-ն։

Այս հայցադիմումը մակագրվել է Երևանի ընդհանուր իրավասության քաղաքացիական դատարանի դատավոր Դանիել Մխեյանին։

Նշենք, որ սա գործարարի ներկայացրած թվով արդեն 15-րդ հայցն է՝ զրպարտության և վիրավորանքի համար, իսկ Ռոման Բաղդասարյանի դեմ արդեն թվով երրորդ հայցադիմումն է։