ԱՄՆ-ն Ռուսաստանի հետ ունեցած հարաբերությունների մասին

Կարևոր է, որ Միացյալ Նահանգները և Ռուսաստանը պահպանեն երկխոսությունը հանուն խաղաղության. երկու երկրները չպետք է թշնամիներ լինեն, ասել է ԱՄՆ կոնգրեսական Աննա Պաուլինա Լունան RDIF-ի գործադիր տնօրեն Կիրիլ Դմիտրիևի հետ հանդիպումից առաջ, հայտնում է «Ռիա Նովոստի»-ն:

«Ես պաշտոնապես հաստատում եմ Ռուսաստանի նախագահի հատուկ ներկայացուցիչ Կիրիլ Դմիտրիևի հետ հանդիպումը , որը տեղի կունենա այս ամսվա վերջին: Մեր երկրները թշնամիներ լինելու կարիք չունեն։ Առևտրային դաշնակիցները օգտակար են բոլորի համար։ Գիտեմ, որ ես միակը չեմ Կոնգրեսում կամ Ամերիկայում, ով կարծում է, որ այս երկխոսության պահպանումը կարևոր է», - հայտարարել է նա:

Ռուսաստանի հետ առևտրի և խաղաղության շուրջ երկխոսությունը կարևոր է ոչ միայն ամերիկացիների, այլև ամբողջ համաշխարհային հանրության համար, հավելել է կոնգրեսականը՝ նշելով, որ ինքը և իր գործընկերները անհամբեր սպասում են Դմիտրիևի հետ հանդիպմանը։