Վենեսուելայի և Ռուսաստանի միջև ստորագրվել է գործընկերության համաձայնագիր
Վենեսուելայի նախագահ Նիկոլաս Մադուրոն ստորագրել է Վենեսուելայի և Ռուսաստանի Դաշնության միջև տասը տարի ժամկետով ռազմավարական գործընկերության և համագործակցության մասին նախկինում վավերացված պայմանագիրը՝ նշելով, որ դա անում է Ռուսաստանի առաջնորդ Վլադիմիր Պուտինի ծննդյան օրը, գրում է «Ռիա Նովոստի»-ն:
«Ես այժմ ստորագրում եմ Վենեսուելայի Բոլիվարյան Հանրապետության և Ռուսաստանի Դաշնության միջև ռազմավարական գործընկերության և համագործակցության մասին պայմանագիրը վավերացնող օրենքը։ Այսօրվանից սկսած այս օրենքը ուժի մեջ կմտնի որպես Հանրապետության օրենք», - ասել է Մադուրոն:
Վենեսուելայի և Ռուսաստանի Դաշնության միջև ռազմավարական գործընկերության և համագործակցության մասին պայմանագիրը, որը միաձայն վավերացվել է Ազգային ժողովի կողմից, սահմանում է երկկողմ համագործակցության ճանապարհային քարտեզ՝ առաջիկա տասը տարիների համար։ Համաձայնագիրը պաշտոնականացնում է երկու երկրների միջև քաղաքական, տնտեսական, գիտական, տեխնիկական և մարդասիրական ոլորտներում համագործակցության երկարաժամկետ ռազմավարությունը։
