Հայտնի է վայրը, որտեղից տարածվել են գաղտնալսման ֆայլերը. Հայկ Գրիգորյան
Գաղտնալսումների գործով ի՞նչ եզրահանգման եկաք: ԱԺ-ում լրագրողներն այս հարցը տվեցին ՀՀ քննչական կոմիտեի նախագահ Հայկ Գրիգորյանին:
«Հայտնի է վայրը, որտեղից տարածվել են ՀՔԾ պետի և ԱԱԾ տնօրենի հեռախոսային զրույցի գաղտնալսման ու ձայնագրման ֆայլերը»,- ասաց Գրիգորյանը։
Հարցին՝ որտեղի՞ց է եղել՝ Գրիգորյանը պատասխանեց.
«Հայաստանից չէ, ԱՊՀ-ից է: Նախաքննության շահերից ելնելով՝ կգերադասեմ այդ մասին չխոսել»:
Ճշտող հարցին ի պատասխան՝ Ռուսաստանի՞ց է տարածվել ձայնագրությունը, Գրիգորյանը ծիծաղեց:
