ՄԱԿ-ը հայտարարություն է տարածել. ինը աշխատակցի ձերբակալել են Եմենում

Եմենի հյուսիսը կառավարող շիաների ռազմաքաղաքական «Անսար Ալլահ» (հուսիթներ) շարժման ներկայացուցիչները ձերբակալել են ՄԱԿ-ի ևս ինը աշխատակիցների, այս մասին հայտնել է ՄԱԿ-ի գլխավոր քարտուղարի մամուլի խոսնակ Ստեֆան Դյուժարիկը։

«Հուսիթները ձերբակալել են ՄԱԿ-ի ևս ինը աշխատակցի, որի արդյունքում 2021 թվականից ի վեր կամայականորեն ձերբակալված ՄԱԿ-ի աշխատակիցների ընդհանուր թիվը հասել է 53-ի»,- ասել է գլխավոր քարտուղարի խոսնակը՝ առանց նշելու ձերբակալությունների ամսաթիվը։

Դյուժարիկը նաև նշել է, որ ՄԱԿ-ի գլխավոր քարտուղար Անտոնիո Գուտերեշը խստորեն դատապարտում է միջադեպը և կոչ է անում ազատ արձակել բոլոր ձերբակալված աշխատակիցներին։