![Գազայի հատվածի հիվանդանոցներից մեկում սովից մահացել է 10 երեխա](https://auroranews.am/storage/img/base_image/2024-03-04/65e6168334812.webp)
Գազայի հատվածի հիվանդանոցներից մեկում սովից մահացել է 10 երեխա
![Գազայի հատվածի հիվանդանոցներից մեկում սովից մահացել է 10 երեխա](https://auroranews.am/storage/img/base_image/2024-03-04/65e6168334812.webp)
Գազայի հատվածի Քամալ Ադվան հիվանդանոցում սովից մահացել է 10 երեխա։ Այս մասին հայտարարել է Առողջապահության համաշխարհային կազմակերպության (ԱՀԿ) գլխավոր տնօրեն Թեդրոս Գեբրեյեսուսը։
Նա նշել է, որ ԱՀԿ ներկայացուցիչները շաբաթավերջին այցելել են Գազայի հատվածի հյուսիսում գտնվող Ալ-Աուդա և Քամալ Ադվան հիվանդանոցներ։ Նրանք արձանագրել են թերսնման լուրջ մակարդակ, վառելիքի, սննդի և դեղորայքի պակաս:
«Այս այցելությունները առաջինն էին 2023 թվականի հոկտեմբերի սկզբից ի վեր, չնայած ԱՀԿ ջանքերին՝ ապահովելու ավելի կանոնավոր մուտք դեպի Գազայի հյուսիս», – բացատրել է Գեբրեյեսուսը X-ում:
Նա ասել է, որ Քամալ Ադվանը՝ հյուսիսային Գազայի միակ մանկական հիվանդանոցն է՝ «հեղեղված է հիվանդներով»:
«Սննդի բացակայությունը հանգեցրել է 10 երեխայի մահվան: Էլեկտրաէներգիայի բացակայությունը լուրջ վտանգ է ներկայացնում հիվանդների խնամքի համար, հատկապես այնպիսի կարևոր հատվածներում, ինչպիսիք են վերակենդանացման բաժանմունքը և նորածնային բաժանմունքը», – ասել է ԱՀԿ ղեկավարը:
Նա Ալ-Աուդայի հիվանդանոցում իրավիճակը անվանել է «հատկապես սարսափելի, քանի որ շենքերից մեկը ավերվել է»: