Իսրայելի բանակը պատրաստվում է լայնածավալ ռազմական գործողությունների՝ Գազայում
Իսրայելի բանակը պատրաստ է վերսկսել լայնածավալ ռազմական գործողություններ Գազայի հատվածում, եթե բանակցությունները ձախողվեն։ Այս մասին հայտարարել է Իսրայելի զինված ուժերի շտաբի պետ, գեներալ-լեյտենանտ Էյալ Զամիրը։
«Զինադադար չկա, բայց գործառնական կարգավիճակը փոխվել է՝ քաղաքական ղեկավարությունն օգտագործում է ռազմական գործողությունների միջոցով ձեռք բերված ռեսուրսներն ու նվաճումները և դրանք վերածում քաղաքական նվաճումների: Եթե այս քաղաքական քայլը ձախողվի, մենք կվերադառնանք ռազմական գործողություններին», - ասել է Զամիրը:
Նրա խոսքով՝ բանակը ներկայումս նվազեցրել է գործողությունների ինտենսիվությունը, բայց դրանք ամբողջությամբ չի դադարեցրել։
