«Ռազմական Շենգեն»՝ ՆԱՏՕ-ի ուժերի համար
ՆԱՏՕ-ի ուժերը պետք է ազատ տեղաշարժվեն դաշինքի ներսում, կարծում է թիկունքային ապահովման եւ լոգիստիկայի միացյալ հրամանատարության ղեկավար Ալեքսանդր Զոլֆրանկը։ Այս մասին հաղորդում Է Reuters-ը: Տեղեկությունը փոխանցում է ՌԻԱ Նովոստին։
«Զոլֆրանկը հայտարարել է, որ կցանկանար տեսնել «ռազմական Շենգենը»՝ ազատ ռազմական միջանցքի գոտում»,- ասվում է գործակալության նյութում:
Գեներալը պարզաբանել է, որ ՆԱՏՕ-ի ուժերը բախվում են խոչընդոտների՝ ազգային կանոնակարգերի տեսքով զինծառայողների և զինամթերքի տեղափոխման ժամանակ: Նա հավելել է, որ անհրաժեշտ է նախապես նախապատրաստել հնարավոր «ռազմական գործողությունների թատրոնը» հավաքական պաշտպանության մասին ՆԱՏՕ-ի կանոնադրության հինգերորդ հոդվածի կիրառման դեպքում:
