Ռուսաստանի արձագանքը՝ Թրամփի հայտարարությանը
Ռուսաստանն աջակցում է ԱՄՆ նախագահ Դոնալդ Թրամփի բոլոր ջանքերին՝ ուղղված պաղեստինա-իսրայելական հակամարտության կարգավորմանը։ Այս մասին հայտարարել է Կրեմլի պաշտոնական ներկայացուցիչ Դմիտրի Պեսկովը։
Նրա խոսքով՝ Ռուսաստանը ցանկանում է, որ ԱՄՆ նախագահի ծրագիրը իրականություն դառնա։
Պուտինի խոսնակը նաև ընդգծել է, որ Մոսկվան չի մասնակցում Վաշինգտոնի Մերձավոր Արևելքի խաղաղության ծրագրին.
«Ռուսաստանը որևէ ազդանշան չի ստացել Միացյալ Նահանգներից այս մասին: Մոսկվան կապ է պահպանում Մերձավոր Արևելքի հակամարտության կողմերի հետ և, անհրաժեշտության դեպքում, պատրաստ է ձգտել հակամարտության խաղաղ կարգավորմանը»,- ասել է ՌԴ մամուլի քարտուղարը:
