ԼՈՒՍԱՆԿԱՐ․ ՀՀ-ում Ֆրանսիայի նոր դեսպանը Թվիթերի իր հետնանկարը տեղադրել է Արարատի պատկերը
ՀՀ-ում Ֆրանսիայի նոր դեսպանը՝ Օլիվյե Դեկոտինյին, Թվիթերի իր միկրոբլոգի հետնանկարի հատվածում Արարատ սարի նկարն է տեղադրել։
Նշենք, որ նա իր դիվանագիտական ծառայությունն է անցկացրել the Washington Institute-ում: 2012-2015 եղել է երկրորդ հյուպատոս Իրանում Ֆրանսիայի դեսպանատանը: Այնուհետև Ֆրանսիայի ԱԳՆ-ում զբաղվել է քաղաքական-ռազմական հարցերով, մասնավորապես, ՆԱՏՕ-ի և ԵՄ քաղաքական-ռազմական հարցերով` Լիբիայում, Բալկաններում և Կովկասում: Մինչ Հայաստան ժամանելը եղել է Իրաքի Քուրդիստանում Ֆրանսիայի հյուպատոս։
Հիշեցնենք՝ հուլիսի 9–ին Ֆրանսիայում Հայաստանի պատվավոր հյուպատոս Դենիս Ջորկաեֆը հայտնել էր, որ Ֆրանսիայի արտաքին հարաբերությունների հարցերով խորհրդական, Էրբիլում Ֆրանսիայի նախկին գլխավոր հյուպատոս Օլիվյե Դեկոտինյին նշանակվել է Հայաստանում Ֆրանսիայի Հանրապետության արտակարգ և լիազոր դեսպան։ Նոր պաշտոնը նա ստանձնել է հուլիսի 21–ից։ Ֆրանսիայի նախագահի կողմից հրամանը ստորագրվել է հուլիսի 6-ին։
