Փաշինյանը՝ Վալոդյա Գրիգորյանի սպանության մասին
Փարաքարում տեղի ունեցած դեպքը հարցեր է բարձրացնում, որոնք ինձ էլ են հետաքրքրել ու անհագստացրել: Այս մասին Ստրասբուրգում կայացած ճեպազրույցի ժամանակ հայտարարել է ՀՀ վարչապետ Նիկոլ Փաշինյանը։
«Կարծում եմ` տեսանելի է, որ այդ ամենի արդյունքում նաև պաշտոնանկություններ են եղել: Փետրվարին նման իրադարձություններ են եղել Փարաքարում, զոհ է եղել, գործով 14 մեղադրյալ կա, դատավարություն է ընթանում, բայց մեղադրյալների մի մասն ընդհանրապես կալանքի տակ չէ, մյուս մասն էլ տնային կալանքի տակ է։ 1 հոգի է կալանքի տակ»,-ասել է նա և ընդգծել, որ մյուս կողմից քննարկում են բանտերի ծանրաբեռնվածության հարցը։
Հիշեցնենք՝ սեպտեմբերի 23-ին՝ ժամը 23.52-ին, ՆԳՆ ոստիկանություն ահազանգ էր ստացվել, որ Արմավիրի մարզի Մերձավան բնակավայրի Երևանյան խճուղում կրակոցներ են հնչել։ Մերձավանում զինված հարձակման հետևանքով սպանվել էին Փարաքար համայնքի ղեկավար Վալոդյա Գրիգորյանը և ոստիկանության աշխատակից Կարեն Աբրահամյանը։
