Իսրայելը խաթարել է Թրամփի՝ Գազայի վերաբերյալ ունեցած ծրագրերը

Իսրայելցի բանակցողները վերջերս փոփոխություններ են մտցրել ԱՄՆ նախագահ Դոնալդ Թրամփի Գազայի բնակավայրերի վերաբերյալ ծրագրում՝ խաթարելով դրա իրականացումը, հաղորդում է «Ալ Արաբի․ Ալ Ջադիդ» թերթը՝ հղում անելով աղբյուրներին:

Նրանց տեղեկությունների համաձայն՝ ամերիկյան և իսրայելական կողմերի միջև բանակցությունների ընթացքում ծրագրի իրականացման մեխանիզմների վերաբերյալ ձևակերպումները դարձել են անորոշ, դրանում որևէ պարզություն չկա, բացառությամբ իսրայելցի պատանդների ազատ արձակման և Գազայի հատված մարդասիրական օգնության մատակարարման։

Աղբյուրները հայտնել են, որ «վերջին մի քանի ժամվա ընթացքում տեղի ունեցածը նման է ծրագրի խափանմանը, քանի որ իսրայելական փոփոխությունները դժվարացնում են դրա մեկնաբանությունն ու համաձայնեցումը»։

Հավելենք՝ ԱՄՆ նախագահ Դոնալդ Թրամփը հանդիպել է Եգիպտոսի, Ինդոնեզիայի, Հորդանանի, Կատարի, ԱՄԷ-ի, Սաուդյան Արաբիայի և Թուրքիայի ներկայացուցիչների հետ՝ քննարկելու Գազայի հակամարտության կարգավորման հեռանկարները: 

Հիշեցնենք՝ Թրամփը լրագրողների հետ զրույցում ասել է, որ «Գազայի հարցով համաձայնություն, կարծես թե, ձեռք է բերվել», սակայն չի բացահայտել համաձայնագրի մանրամասները կամ դրա իրականացման ժամանակացույցը։