Իսպանիան արգելել է իր բազաների միջոցով Իսրայել զենք տեղափոխող ամերիկյան նավերի տարանցումը
Իսպանիան արգելել է Իսրայելի համար նախատեսված զենք, զինամթերք կամ ռազմական տեխնիկա տեղափոխող ամերիկյան ինքնաթիռների կամ նավերի տարանցումը Ռոտա (Կադիս նահանգ) և Մորոն դե լա Ֆրոնտերա (Սևիլիայի նահանգ) ավիաբազաներով, հաղորդում է El País թերթը:
Նրա խոսքով՝ սա վերաբերում է ինչպես հրեական պետություն ուղիղ ուղևորվող նավերին, այնպես էլ նրանց, որոնց վերջնական նպատակակետը Իսրայելն է։ Թագավորությունը չի ստուգում ամերիկյան տրանսպորտային ինքնաթիռները կամ իսպանական բազաներում կանգ առնող նավերը։ Պենտագոնը կարող էր թաքցնել ամերիկյան նավերի կողմից տեղափոխվող բեռը, սակայն, ըստ հրատարակության աղբյուրների, դաշնակիցների միջև հարաբերությունները հիմնված են վստահության վրա, որը լրջորեն կվնասվեր նման իրավիճակի առաջացման դեպքում։
Մադրիդը բավականին կոշտ դիրքորոշում է ընդունել հրեական պետության նկատմամբ՝ Գազայի հատվածում ստեղծված իրավիճակի պատճառով: Ավելի վաղ Իսպանիայի Նախարարների խորհուրդը հաստատել էր Իսրայելի նկատմամբ զենքի մատակարարման էմբարգո սահմանող հրամանագիրը:
Հավելենք՝ Մերձավոր Արևելքում իրավիճակը կտրուկ սրվեց այն բանից հետո, երբ արմատական պաղեստինյան շարժման՝ Համասի զինված կողմնակիցները, 2023 թվականի հոկտեմբերի 7-ին Գազայի հատվածից ներխուժեցին Իսրայելի տարածք՝ սպանելով սահմանամերձ համայնքների բնակիչների և ավելի քան 250 պատանդ վերցնելով։ Ի պատասխան՝ Իսրայելը ռազմական գործողություն սկսեց անկլավում՝ Համասի ռազմական և քաղաքական կառույցները ոչնչացնելու և բոլոր առևանգվածներին ազատ արձակելու նպատակով։
