Ձեր հաղթանակը հզոր պատասխան է Ռուսաստանին. Զուրաբիշվիլին շնորհավորել է Սանդուին

Վրաստանի հինգերորդ նախագահ Սալոմե Զուրաբիշվիլին շնորհավորել է Մայա Սանդուին Մոլդովայի խորհրդարանական ընտրություններում տարած հաղթանակի կապակցությամբ: Այս մասին նա գրել է X սոցիալական ցանցում:

«Բրավո, Մայա Սանդու, ձեր հաղթանակը լավագույն նորությունն է Եվրոպայի, ժողովրդավարության համար և հզոր պատասխան Ռուսաստանի և նրա հիբրիդային պատերազմի համար»,- գրել է նա:

Հիշեցնենք՝ կիրակի Մոլդովայում կայացած խորհրդարանի ընտրության արդյունքների համաձայն` նախագահ Մայա Սանդուի հիմնադրած «Գործողության և համերաշխության կուսակցությունը» կարող է պահպանել խորհրդարանական մեծամասնությունը՝ մանդատների բաշխումից հետո։ Այս մասին փաստել են են Կենտրոնական ընտրական հանձնաժողովի նախնական տվյալները՝ քվեների 99.12%-ի հաշվարկից հետո։