Զելենսկին Թրամփից խնդրել է «Tomahawk» հրթիռներ՝ Մոսկվային հարվածելու համար

Ուկրաինայի նախագահ Վլադիմիր Զելենսկին Նյու Յորքում ՄԱԿ-ի Գլխավոր ասամբլեայի շրջանակներում ԱՄՆ նախագահ Դոնալդ Թրամփի հետ փակ հանդիպման ժամանակ խնդրել է նրան Կիևին տրամադրել հեռահար «Tomahawk» թևավոր հրթիռներ, հաղորդում է բրիտանական The Telegraph թերթը՝ հղում անելով դիվանագիտական ​​աղբյուրներին։

Թրամփի հետ զրույցում Զելենսկին հայտարարել է, որ «Tomahawk» հրթիռները «կօգնեն համոզել Ռուսաստանի նախագահ Վլադիմիր Պուտինին նստել բանակցությունների սեղանի շուրջ՝ խաղաղության համաձայնագիրը քննարկելու համար»:

Թերթի փոխանցմամբ՝ նախագահների միջև հանդիպումը բնութագրել են «չափազանց դրական», առանց մանրամասնելու, թե ինչպես է Թրամփը արձագանքել Զելենսկու խնդրանքին:

Հանդիպումից հետո Վլադիմիր Զելենսկին ասել է, որ ինքը խնդրել է ԱՄՆ նախագահին «նոր զենքի համակարգ», որը կստիպի Պուտինին բանակցություններ վարել։ Զելենսկու խոսքով՝ Թրամփը պատասխանել է այս խնդրանքին. «Մենք կաշխատենք դրա վրա»։