Տիգրան Քեոսայանը մահացավ՝ կոմայից դուրս չգալով
9 ամսվա կոմայից հետո 59 տարեկանում մահացել է հայտնի հեռուստահաղորդավար, կինոռեժիսոր և Ռուսաստանի վաստակավոր արտիստ Տիգրան Քեոսայանը։ Այս մասին հայտնել է նրա կինը՝ Մարգարիտա Սիմոնյանը, տելեգրամյան իր ալիքում։
«Այսօր երեկոյան Տիգրանը գնաց իր Արարչի մոտ», - գրել է Մարգարիտա Սիմոնյանը։
Հիշեցնենք, որ Տիգրան Քեոսայանի վիճակի մասին առաջին անգամ հայտնել էին հունվարի 8-ին։ Մարգարիտա Սիմոնյանը հայտնել էր, որ ամուսինը կլինիկական մահ է ապրել, որից հետո կոմայի մեջ է ընկել։
