ԱՄՆ-ն սահմանափակել է իրանական պատվիրակության տեղաշարժն ու գնումները Նյու Յորքում

ԱՄՆ իշխանությունները նոր սահմանափակումներ են սահմանել ՄԱԿ-ի Գլխավոր ասամբլեային մասնակցելու նպատակով Նյու Յորք ժամանած իրանական պատվիրակության նկատմամբ, մասնավորապես արգելելով նրանց գնումներ կատարել բրենդային և մեծածախ խանութներից, այս մասին հայտնում է Al Arabiya-ն։

ԱՄՆ պետդեպի մամուլի քարտուղարի տեղակալ Թոմի Պիգոտի խոսքով՝ այս քայլն Իրանի ղեկավարության վրա առավելագույն ճնշման քաղաքականության մասն է։

«Իրանցի հոգևորականներն իրենց թւոյլ են տալիս շռայլորեն ծախսել արտասահմանում, մինչդեռ երկրի բնակչությունը բախվում է աղքատության, քայքայվող ենթակառուցվածքների, ջրի և էլեկտրաէներգիայի պակասին»,- ասել է Պիգոտը։

Պատվիրակության տեղաշարժը նույնպես սահմանափակվել է ինչպես ՄԱԿ-ի շենքում, այնպես էլ այլ վայրերում: