Ուկրաինան՝ Էրդողան-Թրամփ հանդիպման օրակարգում
Թուրքիայի նախագահ Ռեջեփ Թայիփ Էրդողանի և ԱՄՆ նախագահ Դոնալդ Թրամփի միջև կայանալիք հանդիպման ժամանակ ուկրաինական հակամարտության կարգավորմանն ուղղված նախատեսվող նախաձեռնությունների մասին դեռևս կոնկրետ տեղեկություններ չկան, սակայն թեման կքննարկվի։ Այս մասին «Ռիա Նովոստի»-ին հայտնել է թուրքական դիվանագիտական աղբյուրը։
«Ուկրաինական թեման անպայման կքննարկվի, բայց այս պահին այս ոլորտում կոնկրետ նախաձեռնությունների մասին տեղեկություններ չկան», - նշել է գործակալության աղբյուրը։
Հավելենք՝ Թրամփը նախկինում հաստատել էր՝ Վաշինգտոնում Էրդողանի հետ հանդիպելու իր մտադրությունը։
Նշենք՝ Թուրքիայի առաջնորդն, իր հերթին, հույս էր հայտնել, որ ամերիկացի գործընկերոջ հետ բանակցությունները կնպաստեն տարածաշրջանում ճգնաժամի կարգավորմանը։
