Զելենսկին հայտնել է, թե որն է Ուկրաինայի անվտանգության ամուր երաշխիքը
Ուկրաինայի համար անվտանգության ամուր և արդյունավետ երաշխիքները ներառում են Եվրամիության կողմից տրամադրվող երաշխիքները, ինչպես նաև երկրի տնտեսական անվտանգության ապահովումն ու Եվրամիությանը անդամակցությունը։ Այս մասին հայտարարել է Ուկրաինայի նախագահ Վլադիմիր Զելենսկին Նիդեռլանդների վարչապետ Դիկ Շոֆի հետ համատեղ մամուլի ասուլիսում։
Զելենսկին ընդգծել է, որ Ուկրաինան անվտանգության երաշխիքները դիտարկում է որպես միասնական ամբողջություն։ Նրա խոսքով՝ եթե միջազգային գործընկերները պատրաստ են աջակցել Ուկրաինայի անվտանգության երաշխիքներին, ապա Կիևի դիրքորոշումն այն է, որ նրանք պետք է աջակցեն նաև Ուկրաինայի անդամակցությանը Եվրամիությանը։
«Ես չեմ կարող ասել, թե երբ կամ ինչ այլ պայմաններ կարող են լինել, սակայն սա մեր և, ի դեպ, մեր շատ գործընկերների շրջանակային ըմբռնումն է անվտանգության երաշխիքների վերաբերյալ»,- նշել է Ուկրաինայի նախագահը։
Նա հավելել է, որ Եվրամիությանը անդամակցությունը ոչ միայն քաղաքական, այլև տնտեսական անվտանգության կարևոր բաղադրիչ է Ուկրաինայի համար՝ նպաստելով երկրի կայունությանն ու երկարաժամկետ անվտանգությանը։
