Արտահոսք է եղել․ լրագրող Պաբլո Խիրալտը հայտնել է Ոսկե գնդակի ապագա հաղթողի անունը

Արգենտինացի հայտնի լրագրող Պաբլո Խիրալտը հայտնել է, որ 2025 թվականի «Ոսկե գնդակի» մրցանակաբաշխության քվեարկության արդյունքում հաղթող է ճանաչվել «Բարսելոնայի» 18-ամյա իսպանացի հարձակվող Լամինե Յամալը, որը հավաքել է 805 միավոր, փոխանցում է Armsport.am-ը։

Երկրորդ տեղը զբաղեցրել է ՊՍԺ-ի և Ֆրանսիայի հավաքականի հարձակվող Ուսման Դեմբելեն։ Լավագույն եռյակը եզրափակել է ՊՍԺ-ի մեկ այլ խաղացող՝ Վիտինյան՝ 643 միավորով։

Լավագույն տասնյակում են նաև Ռաֆինյան («Բարսելոնա»), Մոհամեդ Սալահը («Լիվերպուլ»), Նունու Մենդեշը (ՊՍԺ), Պեդրին («Բարսելոնա»), Դեսիրե Դուեն (ՊՍԺ), Կիլիան Մբապեն («Ռեալ Մադրիդ») և Լաուտարո Մարտինեսը («Ինտեր»):

Հիշեցնենք, որ «Ոսկե գնդակի» մրցանակաբաշխությունը կկայանա այսօր` Երևանի ժամանակով 22։00-ին։