Ամոթ է․ սա կլինի ամենահզոր պատասխանը․ Էրողանը՝ Պաղեստին պետության ճանաչման մասին

Թուրքիայի նախագահ Ռեջեփ Թայիփ Էրդողանը հայտարարել է, որ Պաղեստինի ճանաչումը այլ պետությունների կողմից տարածաշրջանում օկուպացիայի, շրջափակման և ճնշման դեմ ամենահզոր պատասխանն է։ Նա այս մասին հայտնել է ամերիկյան Newsweek ամսագրին։

«Արդար խաղաղության կարելի է հասնել միայն 1967 թվականի սահմաններում ինքնիշխան պաղեստինյան պետության ստեղծման միջոցով՝ պահպանելով նրա տարածքային ամբողջականությունը և Արևելյան Երուսաղեմում գտնվող մայրաքաղաքը։ Սա կարևոր է Մերձավոր Արևելքում երկարատև խաղաղության և կայունության համար։

Մեր կոչը աշխարհի ազգերին հստակ է. «Ճանաչեք Պաղեստինի պետությունը»։ Պաղեստինի ճանաչումը իսկապես ամենահզոր պատասխանն է օկուպացիային, շրջափակմանը և ճնշմանը։ Մենք շնորհավորում ենք այն երկրներին, որոնք վերջերս հայտարարեցին այս ճակատին իրենց աջակցության մասին և ակնկալում ենք, որ նրանք կպահպանեն իրենց դիրքորոշումը»,- հավելել է Էրդողանը։

Էրդողանը Գազայում կատարվողը  անվանել է «ողջ մարդկության համար է ամոթ»։