ԱՄՆ-ն ցանկանում է վերսկսել հարստացված ուրանի արտադրությունը
ԱՄՆ-ն մշակում է մի ծրագիր, որը թույլ կտա հնարավորինս շուտ վերսկսել հարստացված ուրանի արտադրությունը, հայտարարել է ԱՄՆ ներքին գործերի նախարար Դուգ Բերգումը։
«Մենք թույլ ենք տվել մեզ կախված լինել ինչպես Չինաստանից, այնպես էլ Ռուսաստանից կարևորագույն հանքանյութերի համար։ ԱՄՆ-ի համար անընդունելի է Ռուսաստանից ուրան գնելը։ Հետևաբար, էներգետիկայի նախարար Քրիս Ռայթը և ես աշխատում ենք ապահովել, որ մենք ունենանք մի ծրագիր, որը թույլ կտա ԱՄՆ-ին հնարավորինս շուտ վերադառնալ հարստացված ուրանի արտադրությանը», - լրագրողներին ասել է Բերգումը Արիզոնայից մեկնող ինքնաթիռում։
Սեպտեմբերի 15-ին ԱՄՆ էներգետիկայի նախարար Քրիս Ռայթը հայտարարել է, որ ԱՄՆ-ն դեռևս այն վիճակում չէ, որ լիովին հրաժարվի Ռուսաստանից հարստացված ուրանի գնումներից։
