Ալիևը՝ «Զանգեզուրի միջանցք»-ի շահագործման վերաբերյալ հայտարարություն է արել
«Զանգեզուրի միջանցք»-ի շահագործման հանձնման հետ մեկտեղ ներդրողներին առաջարկվում է անմիջական մուտք դեպի համաշխարհային շուկաներ և բարձր տարանցիկ արդյունավետություն: Այս մասին ասել է Ադրբեջանի նախագահ Իլհամ Ալիևը, փոխանցում են տեղի լրատվամիջոցները։
«Մեր երկրի տարածքային ամբողջականությունն ապահովելուց հետո, Ադրբեջանի ջանքերի շնորհիվ դրվել է տարածաշրջանում երկարաժամկետ խաղաղության, կայունության և կայուն զարգացման հիմքը։
Ներկայումս Ադրբեջանն իր արտաքին քաղաքականության մեջ առաջնահերթություն է տալիս տնտեսական դիվանագիտությանը և ուշադրությունը կենտրոնացնում է նոր համագործակցային հարաբերությունների հաստատման և ոչ նավթային ոլորտների, մասնավորապես՝ երկրի զբոսաշրջային ներուժի հետագա ամրապնդման վրա», - նշել է Ադրբեջանի նախագահը։
