Թրամփը դադարեցնում է Թայվանին տրամադրվող ռազմական օգնությունը
ԱՄՆ նախագահ Դոնալդ Թրամփը կասեցրել է Թայվանին 400 միլիոն դոլարի զենքի մատակարարումը, որը նախատեսված էր ամռանը: Այս մասին հայտնել է The Washington Post-ը՝ հղում անելով հինգ աղբյուրների: Նրանց խոսքով՝ որոշումը կապված է Չինաստանի հետ առևտրային համաձայնագիր կնքելու և Սի Ցզինպինի հետ հանդիպում կազմակերպելու Վաշինգտոնի ջանքերի հետ:
Սպիտակ տունը նշում է, որ Թայվանին տրամադրվող օգնության փաթեթի վերաբերյալ վերջնական որոշում դեռևս չի կայացվել:
Ըստ թերթի՝ մերժումը վերաբերում էր զինամթերքի և ինքնավար անօդաչու թռչող սարքերի մատակարարմանը: Աղբյուրների խոսքով՝ այս օգնության փաթեթն ավելի մահացու կլիներ, քան Թայվանին տրամադրվող նախորդ ամերիկյան ռազմական մատակարարումները:
