Վախկոտ փոքրիկ խմբակի սրտի ԿԸՀ-ն գնաց հերթական ապօրինության. Ղահրամանյան

«Ուժեղ Հայաստան» կուսակցության խոսնակ Մարիաննա Ղահրամանյանը հայտարարել է, որ իշխող խմբակը շարունակում է հետապնդումներով փորձել ճնշել ու վախեցնել իրենց, ինչի հերթական դրսևորումն է Նիկոլ Փաշինյանի սրտի ԿԸՀ-ի կայացրած որոշումը։ Ըստ նրա՝ ԿԸՀ-ն, չունենալով նման լիազորություն, Նարեկ Կարապետյանին զրկել է պատգամավորական անձեռնմխելիությունից։

Խոսնակի գնահատմամբ՝ սա ակնհայտ խայտառակ որոշում է և հերթական ապացույցն է այն բանի, որ անկախ համարվող բոլոր մարմինները գործում են իշխանության հրահանգով։ Նա ընդգծել է, որ ԿԸՀ-ն առհասարակ նման հարց քննելու իրավասություն չունի, քանի որ պատգամավորական մանդատների բաշխումից հետո Նարեկ Կարապետյանն ունի անձեռնմխելիություն, և Վահագն Հովակիմյանը չէ նրան դրանից զրկող մարմինը։ Ղահրամանյանի խոսքով՝ այս քայլով ԿԸՀ-ն հակասել է իր իսկ կայացրած որոշմանը, ինչը Փաշինյանի վախերի հերթական դրսևորումն է։

Նա նշել է, որ մինչ իրենք այցելում են գյուղեր, հանդիպում ընտրողներին, լսում քաղաքացիների խնդիրներն ու լուծումներ տալիս, իշխանական խմբակը զբաղված է ութ տարի շարունակվող քաղաքական հետապնդումներով և քրեական գործիքակազմի կիրառմամբ։ Խոսնակը հավելել է, որ իրենք վախեցողներից չեն։