Մեկնարկել է հնդկական «Pinaka» հրթիռների արտահանումը Հայաստան
Հնդկաստանի Պաշտպանության նախարար Ռաջնաթ Սինգհը հայտարարեց Solar Defence and Aerospace Limited (SDAL) Նագպուրի գործարանից կառավարվող «Pinaka» հրթիռների առաջին խմբաքանակի արտահանումը Հայաստան։
Հայաստանի և Հնդկաստանի միջև ռազմատեխնիկական համագործակցությունը թևակոխել է նոր փուլ։ Երկու երկրների միջև ստորագրված համաձայնագրերի շրջանակում Հայաստանը ներկրում է կառավարվող հրթիռներ և պաշտպանական նշանակության այլ ժամանակակից սարքավորումներ։
Վերջին տվյալներով՝ Հայաստանի կողմից հնդկական արտադրության զենքի և զինամթերքի գնումների ընդհանուր ծավալը արդեն հասել է շուրջ 600 միլիոն դոլարի։ Այս գործընթացը հանդիսանում է Հայաստանի պաշտպանական համակարգի արդիականացման և սպառազինության մատակարարման աղբյուրների դիվերսիֆիկացման կարևոր մասը։
