Մասկը AI-ով «Ոդիսական» լիամետրաժ ֆիլմ է պատրաստում

xAI ընկերության կողմից մշակված Grok Imagine արհեստական բանականության պատկերների և տեսանյութերի գեներացման ծառայությունը մինչև 2026 թվականի վերջը կնկարահանի լիամետրաժ ֆիլմ՝ Հոմերոսի «Ոդիսական» պոեմի մոտիվներով։ Այս տեղեկությունը X սոցիալական ցանցում հայտնել է ընկերության ղեկավար Իլոն Մասկը։

«Մինչև այս տարվա վերջ Grok Imagine-ը կստեղծի լիամետրաժ ֆիլմ «Ոդիսականի» հիման վրա, որը կլինի պատմականորեն ճշգրիտ և հավատարմորեն կանդրադառնա Հոմերոսի ստեղծագործությանը», — գրել է Մասկը։

Grok Imagine-ը պատկերներ ու տեսանյութեր ստեղծող նեյրոցանց է, որն ընդգրկված է Grok արհեստական բանականության օգնականում։ 2026 թվականի հուլիսին xAI-ն ընդլայնել է ծառայության հնարավորությունները՝ ավելացնելով տեքստային հարցումների միջոցով տեսահոլովակներ գեներացնելու ֆունկցիան։

Մասկը բազմիցս քննադատության է ենթարկել 2026 թվականի «Ոդիսական» ֆիլմը, որի ռեժիսորն է Քրիստոֆեր Նոլանը։ Չնայած մասնագետների բարձր գնահատականներին՝ սոցիալական ցանցերում կինոնկարը քննադատվել է գլխավոր դերակատարների ընտրության (քասթինգի) և այլ որոշումների պատճառով։ Մասնավորապես, Հելենի դերը մարմնավորելու համար ընտրվել էր սևամորթ դերասանուհի Լուպիտա Նյոնգոն։