Մոսկվայի թռիչքների համար նոր կանոններ կլինեն

Ռոսավիացիայի հաղորդմամբ՝ օդային տրանսպորտի շահագործողների համար թողարկվել է ծանուցում, որը վերաբերում է Մոսկվայի ավիացիոն հանգույցի  տարածքում թռիչքների կազմակերպմանը։ Սահմանված կարգի համաձայն՝ մինչև օգոստոսի 12-ը, Մոսկվայի ժամանակով ժամը 02:59-ը, նշված տարածքում թռիչքները թույլատրվում են միայն 160 էշելոնից (շուրջ 4 900 մետր) ցածր բարձրությունների վրա, իսկ Մոսկվայի ավիացիոն հանգույցի տարածքով տարանցիկ թռիչքներն ամբողջությամբ արգելված են։

Նշվում է, որ սույն քայլերը ձեռնարկվել են թռիչքների անվտանգության ապահովման նպատակով։ Միևնույն ժամանակ, ուժի մեջ է մնում հունիսի 20-ից մտցված ժամանակավոր կարգավորումը, որով Ռուսաստանի կենտրոնական մի շարք շրջաններում սահմանափակված են թեթև ու գերթեթև ինքնաթիռների, ինչպես նաև քաղաքացիական անօդաչու թռչող ապարատների թռիչքները՝ գետնից մինչև 5 200 մետր բարձրության վրա։